Та мэдээлэл авахыг хүсвэл энд дарна уу.

"Таны санхүүгийн боловсролд: Мөнгөө хэрхэн зөв удирдах вэ?” Санхүүгийн боловсролд зориулсан нээлттэй арга хэмжээ

10-Р Сар 13, 2017


Монголын Банкны Холбооноос санаачлан Монголбанк, Хадгаламжийн даатгалын корпораци (ХДК), ХБНГУ-ын Хадгаламжийн банкны олон улсын хамтын ажиллагааны сан (ХБОУХАСан), Улаанбаатар ротаракт клубтэй хамтран “Дэлхийн хуримтлалын өдөр”-ийг тохиолдуулан “Таны санхүүгийн боловсролд: Мөнгөө хэрхэн зөв удирдах вэ?” сэдэвт санхүүгийн боловсрол олгох лекц, нээлттэй арга хэмжээг 2017 оны 10 дугаар сарын 28-ны өдөр Корпорэйт зочид буудлын Convention center-т зохион байгуулах гэж байна.

Лекцийг АФА академийн гүйцэтгэх захирал, багш Ш.Амартүвшин удирдан явуулна. Лекцэнд хамрагдсанаар өдөр тутмын үргүй зардлыг бууруулах, амьдралын түвшин, чанараа бууруулахгүйгээр хуримтлалтай болох, мөнгийг өөрийнхөө ирээдүйд зориулан хэрхэн төлөвлөх, хөрөнгөтэй болох энгийн аргуудад, түүнчлэн санхүүгийн төлөвлөгөөтэй амьдрах зэрэгт суралцана. Амралтын өдрийнхөө хэсэгхэн цагийг энэ сургалтанд зарцуулсанаар ирээдүйд хэрэгтэй алтан зөвлөгөө, амьдралын сургамжийг сонсож, цаашид санхүүгийн хувьд итгэлтэй, урам зоригтой, төлөвлөсөн зүйлтэй алхах болно гэдэгт итгэлтэй байна.

Үүний зэрэгцээ нийгэмд үлгэр, дууриалал үзүүлж буй залуучууд “Би хэрхэн хадгалдаг вэ?” сэдвээр нээлттэй ярилцаж, өөрийн үнэт туршлагаасаа хуваалцаж, лекцийн оролцогчдод зөвлөгөө мэдээлэл өгнө.

Лекцийн төлбөр болох 5,000 төгрөг нь Улаанбаатар ротаракт клубээс хэрэгжүүлэх “Children’s garden” буюу Эх нялхасын эрүүл мэндийн төвийн гаднах эргэлтийн гадна талбайг засварлан тохижуулахад хандивлагдах юм.

Нэгэн зэрэг өөрийн боловсролд хөрөнгө оруулахын зэрэгцээ нийгэмд хувь нэмрээ оруулах боломжийг энэ арга хэмжээ танд олгох болно. Арга хэмжээнээс сэтгэл ханамж дүүрэн гарна гэдэгт итгэлтэй байна.

Онцлох мэдээлэл:

  • Оролцогчдын дундаас 10 азтаныг тодруулж, хадгаламжийн сертификатыг гардуулна
  • Арга хэмжээний үеэр та хадгаламжийн данс нээлгэх, хадгаламжиндаа мөнгө нэмэх, хадгаламжийн бүтээгдэхүүний мэдээлэл авах боломжтой.
  • Өрхийн төсвийн дэвтрийг оролцогч бүрт бэлэглэнэ
  • Бусад нетворкинг арга хэмжээнд оролцох боломжтой
  • Арга хэмжээний зохион байгуулалттай холбоотойгоор бүртгэл нь баталгаажсан оролцогч бүрт и-мэйл хаягаар БҮРТГЭЛИЙН ДУГААР олгогдоно.
  • Арга хэмжээ зохион байгуулагдах газарт таны бүртгэлийн дугаарыг шалгаж оруулах тул БҮРТГЭЛИЙН ДУГААР-ыг тэмдэглэж авсан байх нь зүйтэй юм.
  • Мөн энэ бүртгэлийн дугаараар хадгаламжийн сертификатыг авах азтаныг тодруулах юм.

Монголын Банкны Холбоо

Twitter