Та мэдээлэл авахыг хүсвэл энд дарна уу.

Ерөнхийлөгч - Ононгийн ОРХОН (Худалдаа Хөгжлийн Банкны Гүйцэтгэх Захирал) О.Орхон нь 2007 оноос одоог хүртэл Худалдаа, Хөгжлийн банкны Гүйцэтгэх захирлын тэргүүн орлогч, Гүйцэтгэх захирлын албан тушаалд ажиллаж байна. О.Орхон нь Мянганы сорилтын санд Санхүүгийн зөвлөх, Улаанбаатар хотын банкинд Гүйцэтгэх захирал, ХХБ-ны Гүйцэтгэх захирлын орлогч албан тушаалд ажиллаж байсан. Мөн тэрээр Хүнс, Хөдөө аж ахуйн сайдын зөвлөх, Монголын Эдийн Засгийн хөгжлийн сайдын зөвлөх болон Монголын хөрөнгийн биржийн ТУЗ гишүүний албан тушаалыг хашиж байсан. Банк, санхүү, бизнесийн салбарт 17 жил ажиллаж буй туршлагатай банкир юм.

Мөн ноён О.Орхон нь Ти Ди Би капитал ХХК болон Ти Ди Би Лизинг ХХК-ийн Гүйцэтгэх захирлаар ажиллаж байна.

Ноён О.Орхон 1993 онд ОХУ-ын Ярославль хотын 9 –р дунд сургууль, 1997 онд МУИС-ийн Эдийн засгийн сургуулийг төгсөж банкны эдийн засагч, санхүүч мэргэжил эзэмшсэн. 2003 онд Их Британи улсын Уэльсийн их сургуульд Банк санхүүгийн бизнесийн удирдлагын Магистр цол хамгаалсан. 2014 оноос Монголын Банкны Холбооны Ерөнхийлөгчөөр сонгогдон ажиллаж байна.

Дэд ерөнхийлөгч - Д.Баярсайхан
(Төрийн Банкны Ерөнхий Захирал)

Д.Баярсайхан нь 2016 оны 9 дүгээр сараас эхлэн Төрийн банкны Ерөнхий захирлаар томилогдон ажиллаж байна. Д.Баярсайхан нь 1996-2004 онд Хууль Зүйн Дотоод Хэргийн Яаманд мэргэжилтэн, ахлах мэргэжилтэн, хэлтэс, газрын дарга, 2006-2015 онд Санхүүгийн зохицуулах хорооны дарга, 2015 онд Зээлийн батлан даалтын сангийн захирлаар тус тус ажиллаж байсан ба банк санхүүгийн салбарт 10 гаруй жил ажиллаж байсан туршлагатай юм.

Тэрээр ОХУ-ын Эрхүү хотод Уурхайн инженерээр сурч, Улаанбаатар хотын Шихихутаг ХЗДС-ийг Эрх зүйч мэргэжлээр дүүргэсэн, 2004-2006 онд Шинэ Зеланд улсад англи хэлийг эзэмшин, Викториа их сургуульд Бизнесийн удирдлагын магистрын сургалтанд тус тус хамрагдсан. Мөн тэрээр 1997-2004 онд Төрийн өмчийн хорооны гишүүн, 1998-2006 онд Харилцаа холбооны зохицуулах хорооны гишүүн, 2006-2015 онд Санхүүгийн тогтвортой байдлын зөвлөлийн гишүүнээр ажиллаж байсан бөгөөд 2016 оны 12 дугаар сараас МБХ-ны Дэд ерөнхийлөгчөөр сонгогдон ажиллаж байна.

Дэд ерөнхийлөгч - О.Банзрагч (Улаанбаатар хотын банкны Тэргүүн дэд захирал)

О.Банзрагч нь 2014 оноос Улаанбаатар хотын банкны Тэргүүн дэд захирлаар томилогдон ажиллаж байна. Ажлын гараагаа 2001 онд Худалдаа хөгжлийн банкны маркетингийн менежер, актив хариуцсан менежерээр эхлэн, 2004 онд Улаанбаатар хотын банкны Харилцагчийн газрын захирал, 2005 онд Бизнесийн банкны газрын захирал, 2007 онд Дэд захирлаар томилогдсон бөгөөд банкны салбарт 16 жил ажилласан туршлагатай удирдах ажилтан юм.

2017 оны 12 дугаар сараас МБХ-ны Дэд ерөнхийлөгчийн албан тушаалд сонгогдон ажиллаж байна.

Дэд ерөнхийлөгч - Торстен Клайн Бойнинг (Хас банкны Эрсдэл хариуцсан захирал)

Торстен Клайн Бойнинг нь ХасБанкны Эрсдэл хариуцсан захирлын албан тушаалд 2017 оны 1 дүгээр сарын 2-ны өдрөөс, Тэнгэр Санхүүгийн Нэгдлийн Эрсдэл хариуцсан захирал болон Тэнгэр Даатгал ХХК-ийн ТУЗ-ийн гишүүнээр 2017 оны 9 дүгээр сараас тус тус томилогдон ажиллаж байна. Тэрээр ХасБанкны Зээл, Үйл ажиллагааны эрсдэл болон Хянан нийцүүлэлтийн бодлогыг удирдан ажиллах бөгөөд Монголд ирэхээсээ өмнө Лондонд төвтэй үндэстэн дамнасан компани болох Standard Chartered банкинд Засаглал, байгууллагын эрсдэлийн удирдлага хариуцсан захирлын албыг хашдаг байжээ.

Ноён Торстен нь Азийн бүсийн хөгжингүй болон хөгжиж буй эдийн засагтай улс орнуудад санхүүгийн байгууллагын эрсдэлийн удирдлагын чиглэлээр нийт 17 жил ажилласан арвин туршлагатай юм. Мөн тэрээр орон нутгийн болон олон улсын хэмжээнд үйл ажиллагаа явуулдаг санхүүгийн байгууллагад Хөрөнгийн болон Эрсдэлийн удирдлагыг хэрэгжүүлэх, Эрсдэлийн загварчлал боловсруулах чиглэлээр дагнан ажиллаж, зөвлөх үйлчилгээ үзүүлж байсан ба Basel II стандартыг Азийн 11 улсад хэрэгжүүлэхэд манлайлан оролцсон байна. Тэрээр Вильгелм хааны нэрэмжит Вестфальсийн Их Сургууль (University of Munster)-ийг Мэдээллийн системийн мастерын зэрэгтэй төгсөж, АНУ, Европын холбоо болон Ойрхи Дорнодын зарим улсуудад мэргэжлээрээ ажиллаж байсан ба хамгийн сүүлд Standard Chartered банкны Сингапур дах салбар банкинд дээд түвшний удирдах ажил гүйцэтгэж байв.

2017 оны 12 дугаар сараас МБХ-ны Дэд ерөнхийлөгчийн албан тушаалд сонгогдон ажиллаж байна.

Жигжидийн ҮНЭНБАТ Гүйцэтгэх Захирал, Ерөнхий нарийн бичгийн дарга

Ж.Үнэнбат нь 1985 онд ОХУ-ын Москвагийн Эдийн Засаг Статистикийн Дээд Сургуулийг Эдийн засагч, статистикч мэргэжлээр төгсөж, 1994 онд АНУ-ын Колумбын Их Сургуульд Олон улсын эдийн засгийн харилцааны мастер зэргийг хамгаалсан, Дэд профессор цолтой.

1985-1987 онд Улаанбаатар хотын САА-д эдийн засагч, 1987-1988 онд Хугацаат цэргийн албанд, 1988-1990 онд Хөдөлмөрийн төвд эдийн засагч, 1990 онд Улсын Банкны Ерөнхий Хорооны Тооцоолон бодох төвд эдийн засагч, 1991-1993 онд Монголбанкны Статистик судалгааны газарт эдийн засагч, ахлах эдийн засагч, 1995-1996 онд Монголбанкны Мөнгө зээлийн бодлогын газрын захирал, 1996 онд онд Монголбанкны Тэргүүн дэд ерөнхийлөгч, 1996-2000 онд Монголбанкны Ерөнхийлөгч, 2000-2006 онд Монголын Банкны Холбооны гүйцэтгэх захирал, 2000 оноос Санхүү Эдийн Дээд Сургуулийн Банк санхүүгийн тэнхимийн эрхлэгч, 2004 оноос Монголбанкны Хяналтын зөвлөлийн гишүүн /орон тооны бус/, 2009 оноос Компанийн Засаглалын Хөгжлийн Төвийн гүйцэтгэх захирлаар тус тус ажиллаж байсан арвин туршлагатай юм.


Лхагвагийн

ОТГОН-АЮУШ
Санхүү, Үйл ажиллагаа хариуцсан менежер
Л.Отгон-Аюуш нь Санхүү, бизнесийн удирдлага мэргэжлээр ШУТИС-ийг 2003 онд төгссөн. 2003-2004 онд Завхан аймгийн Их-Уул сумын Ерөнхий нягтлан бодогч, 2004-2005 онд Барилгын цэргийн 022-р ангид нягтлан бодогч, 2007 оноос одоог хүртэл Монголын Банкны Холбооны санхүү үйл ажиллагаа хариуцсан менежерээр ажиллаж байна.
Чулуунбаатарын НАМЖИЛМАА Хууль эрх зүй, Хамтын ажиллагаа хариуцсан менежер Ч.Намжилмаа нь МУИС-ийн Хууль зүйн сургуулийг 2006 онд Эрх зүйч мэргэжлээр төгссөн. 2006-2009 онд ХасБанкны Хуулийн хэлтэст хуульч, 2007-2008 онд Хөгжлийн алтан сан холбооны зохицуулагч, 2012 оноос Монголын Банкны Холбооны Хууль эрх зүй, Хамтын ажиллагаа хариуцсан менежерээр ажиллаж байна. 2009-2012 онд БНХАУ-ын Шандунь мужийн Шандунийн Их сургуульд магистрийн зэрэг хамгаалсан.
Баасансүрэнгийн БАЯРМАГНАЙ Мэдээлэл, Хамтын ажиллагаа хариуцсан менежер Б.Баярмагнай нь МУИС-ийн Физик электроникийн сургуулийг 2008 онд Физик, Электроникийн инженер мэргэжлээр төгссөн. 2008-2011 онд ХасБанкны Мэдээлэл, Технологи Удирдлагын газарт техникийн хангамжийн мэргэжилтэн, 2011-2012 онд ХасБанкны Гүйцэтгэх дэд захирлын шадар туслах, Байгууллагын банкны газрын байгууллагын харилцааны мэргэжилтэн, 2012 оны 9 дүгээр сараас Монголын Банкны Холбооны Мэдээлэл, Хамтын ажиллагаа хариуцсан менежерээр ажиллаж байна.

Энхтөрийн НОМИНДАРЬ

Төсөл, Хамтын ажиллагаа хариуцсан менежер Э.Номиндарь нь ОУ-ын худалдаа бизнесийн удирдлага мэргэжлээр Эм Ай Ю Дээд сургуулийг 2013 онд төгссөн. 2013 оны 1 дүгээр сараас Монголын Банкны Холбооны Гадаад харилцаа, Хамтын ажиллагаа хариуцсан менежерээр ажиллаж байна.

Эрдэнэ-Очирын Ариунаа

Гадаад харилцаа, хамтын ажиллагаа хариуцсан менежер Э.Ариунаа нь “Эм Ай Ю” дээд сургуулийг ОУ-ын худалдаа, бизнесийн удирдлагын мэргэжлээр 2013 онд төгссөн. 2013-2016 онд Худалдаа, хөгжлийн банкны Маркетингийн газарт менежер, 2016 оны 8 дугаар сараас эхлэн Монголын Банкны Холбооны Гадаад харилцаа, хамтын ажиллагаа хариуцсан менежерээр ажиллаж байна.

Бүтэц бүрэлдэхүүн

Twitter